Ci dist que Lievre s’assanlèrent
À pallement : si esgardèrent
Q’en autre teire s’en ireient,
Fors de la grêve ù ils esteient ;
Car trop furent en grant dolur
D’Omes è de Chiens orent pour,
Si nes les voleient plus sufrir,
Pur ço s’en vorent fors issir .
Li saige Lièvre lor diseient
Que folie ert quanqu’il quereient
A issir de la quenoissance
U il èrent nurri d’enfance.
Li Autres ne les vodrent creire,
Tuit ensanle vindrent lur eire ;
A une mare sunt venu,
Gardent de loin si unt véu
Raines qui furent ensambléez,
De paour d’eaus sunt effréez ,
Dedenz l’iave se vunt plunjier.
Dès quel les virent aprismier.
Uns Lièvres les a appelez ,
Segnur , fet-il, or esgardez
Par les Reines que vus véez
Qui poor unt ; vus purpenssez
Que nus aluns quérant folie ,
Que nostre grêve avuns guerpie
Pur estre aillurs miex à seurtez,
K’il puissent estre sanz poour,
Ou sanz traveil , u sanz dolour.
“Des Lièvres è des Raines”
Notes sur la fable:
* Me permettra-t-on de dire que la morale qui résulte de la fable de notre femme-poète, est bien autrement intéressante que celle d’Esope. « Rappelez-vous, dit Le Grand d’Aussy, tom. IV, p. 107, Que Marie vivoît sous un gouvernement féodal, c’est-à-dire dans un état partagé entre un million de petits tyrans; songez que chaque jour elle devoit voir une infinité de personnes, molestées par l’abus du pouvoir, chercher dans d’antres cantons une situation plus douce; relisez après cela sa fable , et vous sentirez combien son allégorie est juste, et la morale qu’elle en tire, ingénieuse.»
