Durant les beaux jours de nostre jeunesse, nous devons prevenir par nostre travail les incommodités
qui nous peuvent arriver dans l’arriere saison de nostre vie.
La Cigale voyant la Fourmy qui ne manquoit de rien en hyver, s’approcha aussi-tost d’elle, & luy demanda un grain de bled. Que ne fais-tu provision comme moy durant l’esté, luy répondit la Fourmy. Je passe, dit la Cigale, tout ce temps-là fort joyeusement, & ne fais que chanter. Si tu as tant chanté en esté, repartit la Fourmy, je te conseille de bien danser en hyver.
“De la Fourmy et de la Cigale”
