Culuns demandèrent Seignur,
A Rei choisirent un 0stur,
Pur ce le meins mauz lor fesist
E vers autres les garandist.
Mes qant il ot la Sengnourie,
E tuit furent en sa baillie ,
Ni ot un seul qui l’aproismast
K’il ne l’uccist è devourast.
Pur ce palla un des Colluns,
Si apela ses compeignuns ;
Grant folie, fet-il, féismes
Qant l’Ostoir à Roi choisisismes,
Qui nus ocist de jur en jur ;
Mix nus venist que sanz
Seingnur Fussiens tuz tant,
qu’aveir cestui,
Ainz nus gardiiens nus de lui,
Ne dutions riens fors son agait ;
Puis ke nus l’awomes atrait
A il tut fait apertement ,
Ce ke ainz fist céléement.
Moralité :
Geste essampte dist à plusurs
Qui coississent les maus Segnurs ;
De grant folie s’entremetent
Qui en subjectiun se metent,
A crueus hume et à felun
Kar jà n’en auront se mal nun
“De l’Ostor cui les Coulons eslirent a Segnor”
Phaedr, lib. I, f. XXXI. Columbœ et Milvus.