D’un Vilain cunte qui vaita,
Dedens sun wis si espia ,
Un autre Hume vit seur sun lit
0d sa Famé feseit déduit.
Halas ! fet-il, q’ai-je wéu !
Dunc a la Famé respundu
Q’avez vus weu biaus duz amis ?
Un autre Humme ce m’est avis
Seur mun lit te tint embraciée ;
Ce dit la Feme curréciée,
Bien sai, fait-el , n’en dute mie
Ce est vustre vielle folie.
Tu vîex tenir menchpgne à voire
Jel’ vi, fait-il, sel’ doi bien croire:
Fol es, dist-ele , se tu crois
Pur véritei quanques tu vois ;
As mains le prent, od li le meine
A une cueve d’iave pleine,
Dedenz l’yawe le fist garder
Puis li cumance à demander
K’il voit dedens; cil li a di
Que soue ymage meisme vi.
Pur ce, fet-ele, n’es tu pas
Dans cele cuve à tuz tes dras ,
Si tu i vois une sanlanche
Tu ne dois pas avoir créanche
En tes ouell qui mentent suvent.
Dist li Vilains, or m’en repent,
Chascuns doit melx creire et saveir
Ce que sa Fame dit pur veir,
Ke ce si mauvès oïl voient
Et qi par wéue le foloient.
Moralité:
Par cest essanple vus devise
Que mult vaut miex sens è cointise ,
E bien plus aide à mainle gent
Qe son avoirs ne si parent.
“Dou vileins qui vit un autre Hom od sa famé “
