Porter la peine pour les maulvais.
Avec les meschantz ne te mectz,
Vueil!e-toy d’iceux estranger,
Qu’il ne t’en vienne aulcun danger.
Tel l’achepte qui n’en peult més.
Du laboureur et de la Cigoigne
Ung Rusticque
Si s’applicque
A prendre aux rethz à couvert
Grues coies,
Et les Oyes,
Qui mangcoient son bled en vert.
Oyes, Grues,
Retenues
Furent aux rethz et ficelles.
La Cicoigne
Ne s’esloigne,
Mais fut prinse avec icelles.
Salut quiert,
Et requiert
Au laboureur sa franchise,
Point ne pense
Quelque offense
Avoir contre luy commise.
Tu mourras,
Et n’auras
(Dict le laboureur) mercy.
Qui s’y treuve,
Il espreuve
Qu’à chascun on fait ainsi.
“Du laboureur et de la Cigoigne”
- Gilles Corrozet (1510 – 1568)
