D’u coc racimte ki munta
Sour un fémier, è si grata
Selunc nature purchaceit,
Sa viande cum il soleit :
Une chière jame truva,
Clère la vit, si l’esgarda;
Je cuidai, feit-il, purchacier,
Ma viande sor cest fémier,
Or ai ici jame travée,
Par moi ne serez remuée.
S’uns rices hum ci vus travast,
Bien sei ke d’or vus énurast ;
Si en creust vustre clartei,
Pur l’or ki a mult grant biantei
Quant ma vulentei n’ai de tei
Jà nul hénor n’auraz par mei.
Moralité :
Autresi est de meinte gent,
Se eut ne vient à lur talent,
Cume dou coc è de la jame;
Véu l’avuns d’orne è de fame:
Bien, ne hénor, noient ne prisent,
Le pis prendent, le mielx despisent.
“D’un coc qui truva une Gemme sor un Fomeroi”
