alias. D’une Cornaille qui s’asist seur une Berbix
DEinsi avint k’une Cornaille
S’asist seur le dos d’une Oaille ;
Dou bec l’ad féri durement ,
Sa leine li oste asprement.
La Berbiz li a dist pur-coi
Chevausche-tu einsi sor moi,
Or te remuet si feras bien ;
Siete une pièce seur ce Chien ,
Si fai à lui si cum mei.
Dist la Cornelle, par ma fei
Ne t’estuest pas traveillier
De mei apanre n’enseignier ,
Jeo suis piéça tute enssengniée ,
Tant fu-jeo sage et bien vesiée ;
Bien sai seur cui jeo dois seoir
E à séur puiz remenoir.
Moralité :
Pur ce nus munstre par respit
Ke ce est voirs que li Sages Hum dit,
Par grant essample et par réproiche
Bien seit Chaz cui barbes il loiche
Bien s’aparçoit li véziiez
Lesquiex il puet aveir souz piez.
“D’une Corneille et d’une Oeille”