Un Vieilh, qu’aviet cent ans passats,
Vesèn la Nouart que l’èro prochi.
Un jour? li fasiet lou reprochi
Que sèis pas èroun troou pressats,
Et li disiet: — Laido pelado,
Quand vènes, durries avertir
Et nous faire la rampelado.
Alors si pourriam alestir;
Car sauriam que nous fau partir.
Espero encaro uno passado:
Vies que fau fenir moun castèou.
Aro qu’ai accampa de rèntos.
Que n’en jouissieou sènso crèntos,
De mèis jours sarres lou pastèou,
Et m’esquiches la gargamèllo
Coumo un passeroun au coustèou?
Espero doune, maigro femèllo,
Agues paticnço, au noum de Dieou!
Vau plantar de pins pèr l’estieou:
Quand ma pignudo sera bèllo
Maridarai moun pichoun-fieou….
— Taiso-ti, mesquino cèrvèllo.
Li fet la Mouart; preparo-ti;
Durries èstre deja partit.
L’a mai de cent ans que t’espèri,
N’a pas tant pèr toutis de tèms.
Alluquo, n’a que fan l’empèri
Et que moueroun dins soun printèms;
Tu sies lou soulet dins Marsilho,
Ti regardoun pèr merevilho.
Et tèis desirs soun pas countènts?
Anem; car se ti voulieou crèire
Vieouries de longo: lèis passiens
N’an jamais proun sastifatiens,
Ensouvèn-ti que t’ai fach vèire
Toun sort dcdins millo ooucasiens:
Duvies prendre tèis precautiens.
Vieilh libertin, à tu m’adrèissi
Pèr agarrir toun laid pecat.
Facho de picoussin brequat,
Camines touert, fau que fadrèissi.
Tèns-ti lest, ô marrit drapèou,
Sics plus qu’a douis dets doou toumbèou.
Tènes encaro à la richesso;
Fas riboto; prestes d’argent
Au trènto, au quaranto pèr cent!….
Bèn qu’as ta carcasso en destresso,
Meritaries que cade jour
Vingt cooups de nèrvi sur l’esquino
Ti fessoun passar toun amour,
Ta groumandiso et ta rapino.
Songeo que sies dins lèis barbouns.
Escuro toun amo embrutido,
Vo dins lèis etèrnes carbouns
Ta vieilho carn sera restido.
Pènso à toun salut, faras bèn.
Car vas quitar tout autre bèn!
- Hippolyte Laidet – 17??-18??
