… Il ne faut qu’un petit mal pour gaster une infinité de biens, et la délicatesse des Princes estime grands les plus petits maux.
N’avez-vous point ouy parler de ce moucheron qui entra dans l’œil du Roy Jacques d’Angleterre, un jour qu’il estoit à la chasse ? Aussi tost l’impatience prit le Roy ; il descendit de cheval en jurant (ce qui luy estoit assez ordinaire) ; il s’appella malheureux, il appella insolent le moucheron, et luy adressant sa parole : « Meschant animal, luy dit-il, n’as-tu pas assez de trois grands Royaumes que je le laisse pour te promener, sans qu’il faille que tu te viennes loger dans mes yeux ? »
– Ne pensez pas que la cholere du Roy fust artificielle, et qu’il eust seulement dessein de dire un bon mot. Il estoit véritablement en cholere, lors qu’il parloit de la sorte. Mais il y a des choleres qui sont éloquentes ; il y a des passions qui ont de l’esprit, et celle du Roy Jacques estoit de celles-là.
“Le Moucheron”
- Balzac, Entretiens. Leyde, Elzévir, 1659.