Ceux qui gouvernent les Estats, ne doivent mépriser personne, n’y ayant point d’homme
pour si peu de merite qu’il ait, qui ne puisse estre bon à quelque chose.
Le Lion voulant faire quelque grande guerre, fit assembler tous les animaux, sans oublier l’Asne & le Lievre. L’Ours qui les entendoit nommer, ne se pût empescher de rire, & de luy demander à quoy luy pourroit servir l’Asne qui estoit si stupide, & le Lievre qui estoit si poltron. Le Lion luy répondit, que l’Asne qui avoit la voix force, luy serviroit de trompette ; & le Lievre qui cou-roit bien, luy serviroit de courrier, & qu’il porteroit à ses alliez des nouvelles de ce qui se passeroit dans le camp.
“Du Lion et de l’Ours “
