alias Des troiz Oremenz
alias Du Vileins et de sa Fame.
D’aun Vilein cunte qui prist jà
Un Folet que lunges gaita ;
Cil li douna troiz Ouremenz
Pur ce qu’il n’el’ monstrast as genz.
Li Vileins est joianz è liez ,
Qant à sa fame est repairiez
Deuz Oremens il li dona ,
L’un en retint, pas nel’ garda.
Einsi furent bien lungement
Que il ne firent nul Orement,
Dusau’à un jur que il esteient
A un mengier ù il aveient
D’une Berbiz l’eschine et l’os,
Dont la moolle pareit defors.
La Fame en ot grant désirrier,
Volentiers en volsist mengier
Maiz ne la pooit prendre as meins
Lors a ouré que li Vileins
Eust tel bec cume li pléreit,
E cura li Huitecox aveit.
Ensi avint cume ele ora ,
E li Vilains s’en merveilla ;
S’a orei q’envoiés li fust
E que son vis meisme r’éust.
Deus Oremanz unt jà perduz
Que nus n’en est à bien venuz.
Moralité :
A plusurs est mal avenu
Suvente fois unt si perdu ,
Qui trop creient autrui parole
Qui tus les déçoit è afole.
Li Folx quide du Véziiez
E que par lui seit cunseilliez,
Mais il avient bien k’il i faut,
Car celui ne chaut cum il aut .
“Dou Vilain qui prist un Folet”
La Fontaine , les Souhaits, liv. VII, fab. 6 C’est le fonds d’un ancien conte arabe.
Perrault en a fait usage dans le conte de l’Aune de Boudin.